Aprè lanmò chèf leta, Jovenel Moise, anpil enstitisyon ak aktivite te paralize sou demand gouvènman ayisyen an ki te deklare 15 jou eta syèj. Jodi mèkredi 4 dawout la, anplwaye 5 kwen yo presizeman sa kap travay nan ri Nicolas yo krache kolè yo fas ak desizyon responsab yo pran kont yo, yo kalifye desizyon sa gwo ponyèt.
Plizyè anplwaye restoran 5 kwen nan ri « Nicolas » rele anmwe kont responsab RESTORAN SA ki deside pran 2mil goud nan 5mil Goud yap touche pou mwa jiyè pase a. Selon anplwaye sa yo, desizyon sa pran akòz 4 jou restoran te fèmen apre asasinay prezidan Jovenel Moise.
Anplwaye yo ki move kou Kong di yo pap pran 3 mil goud la paske yo pat lakòz restoran fèmen ni se pa yo ki responsab lanmò prezidan. Yo ekzije responsab restoran 5 kwen peye yo ti monnen epis 5 mil 150 goud yap touche a tanpri.
FCN
