Non classifié(e)

Ayiti/Refleksyon/politik: An n batay pou yon lòt lidèchip

Otè: Jean Mary Révolus

Sa gen lontan map analize konpòtman chak grenn ayisyen. Mwen vin n konpran n aprè anpil tan mwen pase map li tout pawòl ki di sou rezo sosyal yo, fanm ak gason nan peyi isit gen grenn! Diskou nèg ak négès isit, se diskou chanjman men pratik yo se pratik menm ti bagay la, anyen pa chanje vre nan mantalite ak konsyans yo.

Jean Mary Révolus

Pandan map ekri teks saa, mwen panse dwe gen yon konsyans kolektif ak pèsonel pou nou sispann viv an grenn senk nan Ayiti cheri nou an, yon Ayiti ki malad, yon Ayiti ki pa bon, yon Ayiti ki vle respire… Lèn konsidere ayisyen grangou, ayisyen gen pwoblem, ayisyen nan kras ak lamizè. Okenn aksyon grenn senk pap ka retire ni Ayiti, ni Ayisyen nan briganday grenn senk ki vle mete lagè ant Ayiti ak Ayisyen! Pou sa fèt fòk moun ki renmen peyi a, ki vle kontribiye nan okipe pòs politik yo pran ti moso konsyans ak lidèchip pou retire Ayiti nan twou saa li ye la.

Jodi a, li enpòtan pou sitwayen yo entegre yon pati politik, ki gen yon pwogram politik ak yon idewoloji politik ki konstwi sou baz syantifik. Poukisa Li enpòtan pou lidè yo, Pwogram ak idewoloji soti nan yon pati politik? Se paske pagen okenn moun ki ka chanje yon sosyete pou kont Li menm lè lwa chanjman ta danse nan tèt li. Pou tout chanjman reyèl fòk gen pi plis pase yon moun ki kwè ki kote nou vle rive, sa mande yon pwogram ki dwe chapante selon yon idewoloji ki gen pi plis ke yon moun ki kwè ladan, ki dispoze mache nan liy lan epi kap van n filozofi ak idewoloji pati a ak lot moun.

Tout lidè loray kale se pa moun ki ka pote chanjman paske yo pa reflete santiman kolektif. Yo tradwi endividyalis ki se pwazon pou avansman Ayiti. Mwen konprann nou tout. Map tann lidè yo kite yo travèse ak santiman kolektif la pou pote byennèt ak tout pitit fanm ak gason nan peyi a ni sa ki nan dyaspora, pou yo menm Zansèt yo te batay pou te ka kite bout tè sa ki rele Repiblik d’Ayiti.

Yon lòt lidèchip, pou yon lòt Ayiti

Jean Mary Révolus

SUIVEZ @FcnHaiti:

TWITTER

  &

FACEBOOK

Laisser un commentaire

Votre adresse e-mail ne sera pas publiée.

Bouton retour en haut de la page